|
Posted by monofy on January 13, 2009
هنقول ونعييد لميين هو حد بيسمع كلامنا
Posted in معرض الكتاب, وزارة التربية والتعليم | Leave a Comment »
Posted by monofy on November 15, 2008
عاتبت المدرس على ضرب إبنها فتلقت علقة ساخنة
وشوفوا كمان ده اليوم
علشان الوزير ينبسط
ولو واحد من اللى كلمتهم اليوم اهتم بدون اجهاد ولو احنا عارفين انكم ستستجيبون لنا
بدل هات ورقة وخد ورقة
واعمل فاكس واعمل شكوى
كنا ارتحنا حتى بقصر عابدين ابعت شكوى
لخدمة المواطنين
بدل من ان ياخد مﻻحظة ويرفع سماعه التليفون على جميع المستويات
ﻻيوجد اى اهتمام
بنا معلهش
لكم يوم
مافيش حاجة انتم عاوزين زلزال من ربنا ينزلة عليكم
وهى دى النتيجة جعلتم اوﻻدنا لقمه سائغه لحيتان الدروس
واصحاب التستر وراء القوانين
وعدم التفاعل مع الناس
التعامل مع الناس ليس باﻻقدمية
ومش اى واحد ينفع يتعامل مع الناس
المصالح دى كلها لماذا ﻻتترك اجهزة الفاكس مفتوحة ومعروف ارقامها للعامه امثالنا
احنا عارفين ان الكبار لهم مدارسهم
قسمتم المجتمع الى فوق وتحت
تعليم عام وتعليم خاص
حسبنا الله ونعم الوكيل
Posted in قسوة المدرسين, وزارة التربية والتعليم, ضرب الطﻻب | Leave a Comment »
Posted by monofy on October 23, 2008
لا مش كده وبس حريم ورجاله يتركوا بيوتهم وعيالهم علشان البهوات بتوع المكيفات
لا ونصرف مواصلات من جيوبنا
انتم عارفين ماتفعلوة يسمى ديكتاتورية
طيب الان هات واحد حضر وفاكرحاجه او عارف حاجه بيقولك اهو نبعد عن الجو المقرف بتاع المدارس ونقعد
بمكان هذا ان وجد له مكان بقاعه معمل الكمبيوتر الذى تعقد به الدورة
وهذا مايحدث بالمنوفيه
افراغ المدارس من عشر مدرسين بكل مدرسة مين هيشيل جدولهم
وزارة التربية والتعليم ومديرية التربية والتعليم لاتتراجع ابدا عن خطأ فعلوة
ولا أحد يحاسبهم هو فين استقرار العملية التعليمية بقى
المهم الفرقعه علشان البالونة تكبر
ماذا جنيتم ماهى الفائدة
ماهى وزارة التربية والتعليم ومديريات التربية والتعليم وادارات التربية والتعليم لايوجد بها من يقول لهم لالالالا
على اهدار المال العام
واضاعه الجهد والوقت
وتشريد الاولاد بالشوارع لعيون انتل وميكروزوفت
هل تعملون بما تعلموة وبخداعكم لنا بحجة التطوير التكنولوجى لصالح اكبر شركتين عالميتين بالعالم
ولا هما الشركتين الامريكيتين دول من اسلوب فرض مانتعلمه بالقوة
مش هو ده التدخل الامريكى برضه
مش مهم تعليم المهم الكل يتعلم يستخدم ويخدم الشركات الامريكية علشان احنا دولة من العالم التالت المتخلف
مافيش حد هيقول لالالالا
لان من يقول لالالالا بالعالم التالت يأما السجن يأما الموت
قلنا قبل كده لاأحد يسمع
الشركة هى المسيطرة
علينا حتى بالتعليم
والمدرسين الغلابه مش فاضيين الدولة تعطيهم المرتب باليمين ويأخدوة بالشمال
مواصلات
وانتقالات
وكما ياريت نحوش علشان نشترى برامج ميكروزوفت واجهزة انتل
علشان نلعب جيمز
هو احنا لاقيين ناكل ونتعالج
طيب هات لى ياوزير التعليم كمبيوتر تبريد فريون
ورامات اربعه جيجا
علشان اعرف العب جيمز واشوف المزز
بسرعه وخط دى اس ال
علشان اتابع موقع الوزارة
لان المرتب اللى بيصرفه الموظف او المدرس الغلبان يدوب بيشترى علاج للضغط والسكر ومقوى وفياجرا
عاوز فلوس للدادة وجليسه للاولاد واحنا هنروح الدورات اللى بتقول عليها وياريت عربيه اى كلام
علشان مانضيعش الوقت اصل علاج التأمين الصحى تراب ومابعرفش اقف فى الطابور الا ويجيى لى نزيف من طول الوقفه
ربنا ينتقم منكم يابعده وتشخوا على روحكم
ولاتجدوا تمن العلاج او تقفوا فى الطابوربالتأمين الصحى
وتتقطع هدومكم
طالما انكم فقدتم العقل والمنطق
كل معامل وزارة التربية والتعليم او غالبيتها لاتصلح لشىء ومعامل مدرسة مليج الاعدادية منظرها حلو لكنها لاتصلح لشىء عجبى شوية هجاصين معامل الكمبيوتر بمدرسة مليج الاعدادية الجديدة
منظر وبس رامات 256 اجهزة متواضعه وكلها مصابة بالاتورن كلها منحة ايطالية
دول عالم هجاصة المدرس الذى يحضر للدورات لايتقاضى ولا مليم مفروض محاكمه من استلم هذه الاجهزة التى لاتصلح لشىء زبالة اوروبا المتخلف اللى استلمها الله لايسامحه واسمها معمل كمبيوتر الكمبيوترات المتواضعه الان رامات اربعه جيجا والمعامل لايوجد بها نت
عالم متخلفه
Posted in كادر, ميكروسوفت, وزارة التربية والتعليم, المعلم, التطوير التكنولوجى, انتل, دورات | 1 Comment »
Posted by monofy on October 21, 2008
ولا هو احنا على كيفكم
طيب فين الكتب بالدورات والتى توزع على الحبايب بس
طيب احنا عالم هجاصه وانتم الاكابر ايه الفايدة من دورات انتل بمدارس زى دى
ولا انتم عاوزين مدراس من النوعية دى
هيفاء وهبى تثير أزمة فى وزارة التربية والتعليم
انا عاوز واحد يقول لا من المسئؤليين يقول لا ولايوافق وخلاص
امال فين بقى استقرار المدارس لما تاخد واحد او اتنين من كل مادة لحضور الدورات
كلكم هجاصين وصور بس بتوع كلام
صور محروقه فاكرين ان الناس مش هتتكلم اجهزة قديمة مستهلكه ومدربين لايعرفون شىء
كله كلام على ورق وبس
علشان الصورة تبقى حلوة
ولاواحد ممن حضروا الدورات استفاد حاجه لانه ماعندوش فلوس يشترى لابتوب او جهاز ديسكتوب
ولا هى احلامم بتفكروا من جيب غيركم
ووزارة التربية والتعليم بمصر تركت مهمتها ودورها الاساسى وتسوق لشركة انتل ومايكروسوفت
سبوبه ومحدش بيتكلم
تأخر «الجمل» عن موعده.. فأعادت مدرسة بـ «٦ أكتوبر» طابور الصباح ليحضره الوزير ويردد النشيد الوطني
ديكتاتورية التعليم بمصر
كل حاجه ديكتاتورين وصور مزيفة وبس
مش هو ده اللى انتم عاوزينه
ان الناس تتكلم وتعرف تستخدم كمبيوتر ولاتتابعون
ولا احد يراجع او يحاسب
ولا هى الدورات مستمرة
علشان كلام الوزير دة
مايطلعش فشنك
Posted in وزارة التربية والتعليم, اقالة, انتل, اهدار المال العام, بداية العام الدراسى, تطوير التعليم, دورات انتل | Leave a Comment »
Posted by monofy on October 11, 2008
Posted in وزارة التربية والتعليم, أهدار المال العام | Leave a Comment »
Posted by monofy on October 2, 2008
وزارة التربية والتعليم انهت العام السابق بمهزلة تسريب امتحانات الثانوية العامة، وأبت إلا أن تبدأ العام الجديد بمهزلة أخرى، ومن يريد التأكد ليس عليه سوى سؤال الطلبة والمدرسين.
صورة وزارة التربية والتعليم تلطخت باضطراد على مدى السنوات الماضية. وفى ظل تدهور سلوكيات الطلاب أصبح البعض يعتبر أن وجود كلمة “تربية” فى اسم الوزارة لا محل له من الإعراب. لكن التدهور امتد أيضا إلى النصف الآخر من مهمة الوزارة بفعل عجزها المثير للشفقة عن إدارة عملية التعليم فى حد ذاتها.
وحين كنت أستمع لتأكيدات بعض المتفوقين من طلاب الثانوية العامة فى المدارس الحكومية عن أنهم أمضوا العام الدراسى بالكامل فى حالة غياب دائم عن المدارس مع الاكتفاء بالدروس الخصوصية، كنت أعتقد حين أسمع تلك التأكيدات، أن المسألة تتعلق بعيب هيكلى فى العملية التعليمية لا يسهل علاجه بين يوم وليلة أو بقرار واحد. لكن التفكير المعيب والمنطق المعوج امتدا حتى إلى القرارات المتعلقة بحدث مثل موعد بدء الدراسة. ووزير التعليم “ركب دماغه” وأصر على بدء الدراسة يوم 20 سبتمبر قبل عيد الفطر بعشرة أيام، رغم كل التحذيرات من عدم ملائمة الموعد لأجندة الأسرة المصرية المطحونة بمطالب رمضان والعيد، فماذا كانت النتيجة؟
لم أتخيل أن تكون النتيجة، أن تقرر بعض المدارس من تلقاء نفسها العمل ليوم واحد فقط فى بداية العام الدراسى، ثم استئناف الدراسة بعد العيد. وفى إحدى مدارس اللغات رأيت أولياء الأمور يشكرون مديرة المدرسة قبل أيام من “موعد الوزارة” لبدء الدراسة، لأن المديرة قررت العمل فى أول يوم فقط، ثم استئناف الدراسة ليس فقط بعد عطلة عيد الفطر، وإنما أيضا بعد عطلة السادس من أكتوبر، وماذا عن قرار الوزير؟، وأين هيبة الوزارة؟، وهل تعلم بذلك؟ أسئلة لا داعٍ لإبلاغ الوزير بالإجابات التى سمعتها عليها.
وفى مدرسة أخرى بمحافظة الشرقية لم يصل من كتب الصف الرابع الابتدائى سوى كتاب واحد لتمارين اللغة الإنجليزية. وقال المدرسون، إنهم لا يعرفون أى منهج يدرسونه للتلاميذ فى غياب الكتب المدرسية. فالوزارة أصرت على بدء العام، حتى بدون كتب لتترك التلاميذ والمدرسين مثل جندى يذهب للميدان بدون سلاح.
مثال آخر للمهزلة سمعته من بعض المدرسين الذين قرروا بعد أيام من بدء العام عدم الذهاب للمدارس، لأن الطلاب لا يحضرون. هكذا بكل بساطة. وفى ظل هذه الأمثلة وغيرها لا داعٍ للسؤال عن انطباع التلاميذ عن الوزارة المسئولة عنهم، حتى لو كانت الدراسة انتظمت فى بعض المدارس. ولتأكيد الانطباعات السلبية لدى التلاميذ حرصت مديرة مدرسة فى مدينة الشيخ زايد على إخراج التلاميذ من فصول الدرس وإعادة “تمثيل” طابور الصباح، لأن وزير التعليم وصل متأخرا إلى المدرسة فى جولة تفقدية فى بداية العام. طبعا منتهى التربية، لكن بالتأكيد أنها ليست تربية على مبادىء المصداقية والبعد عن النفاق.
وبعد هذه الأمثلة الفوضوية، ولابد أن غيرها كثير لا أدرى، ماذا تبقى لوزارة التربية والتعليم من اسمها
Posted in وزارة التربية والتعليم, المدارس الحكومية, تسريب امتحانات الثانوية العامة, طلاب الثانوية العامة | Leave a Comment »
Posted by monofy on August 15, 2008
لقد اهين المعلم المصرى فى عهد حسنى مبارك بشكل لم يحدث للمعم من قبل ومش عارفين كمان حيحصل ايه اكتر من كده
هذا المستشار هو القدوة الحسنة فى التربية والتعليم ياريت يدخل الاختبار الكادر ويورينا مين هم الأبقار؟
صحيفة: المستشار الإعلامى للجمل يصف المعلمين بـ (الأبقار)
المحلة الكبرى- محرر مصراوي- شهدت نقابة المعلمين بالمحلة الكبرى حالة من الغضب الشديد وتجمع عشرات المعلمين داخل النقابة، معبرين عن استيائهم الشديد من تصريحات الدكتور حسن الببلاوى المستشار الإعلامى لوزير التعليم لإحدى القنوات الفضائية وتشبيهه للمعلمين، بأنهم مثل الأبقار التى تجر السواقى.
تصريحات مستشار الجمل دفعت المعلمين لرفع عدد من الدعاوى القضائيه ضده، كما قاموا بإرسال فاكسات عاجله للرئيس مبارك والدكتور أحمد نظيف رئيس الوزراء، يطالبون فيها بالتدخل لوقف قرار وزير التعليم بإجراء اختبارات الكادر وربطها بالنواحى المالية، كما طالبوا بعدم وقف صرف الكادر، لأنه حق مشروع للمعلمين وتم التصديق عليه من مجلس الشعب ولا يتم ربطه باجتياز الاختبارات.
وقرر المعلمون جمع التوقيعات، استعدادا لرفع قضايا ضد وزير التعليم لتعنته ضد المعلمين، والعمل على تشكيل لجنة للتنسيق بين المعلمين، للبدء فورا فى جمع هذه التوقيعات خلال الأيام القليلة القادمة على مستوى الجمهورية، وبالتنسيق مع روابط المعلمين بالمحافظات بعيدا عن النقابات.
وفى تطور للأحداث، رفض أمين عام النقابة الفرعية للمعلمين بالمحلة التدخل فى مشكلة اختبارات الكادر وعدم محاسبة المسئولين، حتى لا يقال إن نقابة المحلة وراء تصعيد الأحداث، وقال إن النقابة بلغت “أمن الدولة” عن المدرسين ومشاكلهم، “وهى حرة فى إللى هتعمله معاكم”.
وأشار أمين عام النقابة الفرعية بالمحلة، إلى أن النقابة مع الاختبارات للترقيات وليس للخصم من الماليات. من ناحية أخرى أكد مندوب أمن الدولة، الذى حضر الوقفة الاحتجاجية للمعلمين، وجود نائب من كتلة الإخوان بالمحلة قام بتوزيع أسطوانات و”سيديهات” عليها الاختبارات للمدرسين وحرضهم على عدم حضور هذه التدريبات.
المصدر: صحيفة اليوم السابع
دا لازم يروح بيتهم نهائيا الوزارة دى اى واحد بيعمل كده بيبقى خايف على اللى بياخدة من ورانا
وبعدين تعالى ياحلوا وده بلاغ لمجلس الشعب هل صحيح انه تم استقطاع 80 مليون جنية من تغذية عيالنا بكو البسكوت ايوة باكو البسكوت لدرجة ان سألت عيال الشارع اليوم
سلب ونهب وفى الاخر محدش بيحل ولا بيربط
ويقولوا امن الدولة الاول شوفوا سياساتكم الغلط وكلامكم اللى ستحاسبوا عليه والشعب المصرى يادكتور لاينسى شىء بكرة تشوف
ونرجع ونقول ان احنا دولة بوليسيه
لييه تضعوا كل حاجه برقبة الامن
ايه دخل امن الدولة بمشاكلنا ولا هى مشاكلنا بتعرض على الرئيس من خلال امن الدولة
ياحكومة فيه حاجه غلط مش علشان واحد اغضب مليون و 200 الف مدرس
لييه يقول علينا كده انا مش قلت لييكم ان احنا بدولة العبيد
الوزير ده وجميع مستشاريه ان صح هذا الكلام لازم يريحونا من وجودهم ومتشكريم اوى
ولا انتم لاتسمعوا لنا لاننا صحيح بقر علشان سكتنا ايوة سكتنا لاننا معلمين مهذبين
Posted in وزارة التربية والتعليم, أهدار المال العام, المرحلة الثانية لكادر المعلمين | Leave a Comment »
Posted by monofy on August 7, 2008
Posted in وزارة التربية والتعليم, أهدار المال العام, المرحلة الثانية لكادر المعلمين, الاكاديمية المهنية للمعلمين | Leave a Comment »
Posted by monofy on July 27, 2008
أكد الدكتور رضا أبو سريع مساعد أول وزير التربية والتعليم أن اللجنة تدرس بجدية تأجيل بدء العام الدراسي إلي ما بعد إجازة عيد الفطر المبارك.
قال إن القرار يتوقف علي قدرة الوزارة علي ترحيل موعد إجازة نصف السنة والحفاظ علي عدد أسابيع الدراسة في العام الجديد بحيث لا تقل علي 33 أسبوعاً.
أضاف أن التفكير في تأجيل موعد بدء العام الدراسي جاء للتيسير علي أولياء الأمور والتخفيف عنهم فيما يتعلق بالأعباء المادية الخاصة بمواجهة متطلبات شهر رمضان المبارك ثم عيد الفطر من ناحية. والاستعداد لبدء العام الدراسي وما يتطلبه ذلك من أعباء كثيرة منها سداد المصروفات وشراء احتياجات التلاميذ من ملابس وأدوات مدرسية وخلافه.
المصدر: صحيفة الجمهورية
Posted in وزارة التربية والتعليم, وزارة التربية والتعليم تدرس تأجيل بدء العام الدراسي إلي ما بعد عيد الفطر | Leave a Comment »
Posted by monofy on July 22, 2008
Posted in نماذج لاختبارات كادر المعلمين, وزارة التربية والتعليم, النماذج المشابهه لإختبارات الكادر | Leave a Comment »
