أهانة كرامة وكبرياء التلاميذ بمدرسة بركة السبع الاعدادية بنين

الاول حلو بالصور دى وشوفوا يابتوع هيئة الابنية ازاى الصيانة بتاعتكم

صيانة عقيمة من ناس

عقيمة والانكت ان بتوع هيئة الابنية هما اللى مختصين بصيانة الكمبيوترات والشاشات بتاع التربية والتعليم

ولما جهاز يعطل يشيلة الاستاذ بتاع الكمبيوتر ويروح ليهم شبين

على قفاة مش الاحسن الفنى هو اللى يروح

مش معنى ان رئيس هئية الابنية لواء يبقى كلة تمام عجبى حتى اللواءات ليهم فى التربية والتعليم

تتتتتتتتوت

المبانى الحديثة لهيئة الابنية التعليمية

أنا بأقول ارجعوا لنظام الكتاب احسن واوفر

ماشى ياسيدنا

هو دة تطوير التعليم

على فكرة دى صور اليوم



فين بتوع الابنية يشوفوا عمود الاساس اللى كسروة علشان اية ماتعرفش
دى جريمة

الاسمنت وقع وانكشف المستور

والكشك الخشب مكتب الاخصائى

ومخزن كتب بدون سقف


غرفة المدرسين على نظام وزير التعليم حيث ان توفير مكان لجلوس المدرسين تعتبر جريمة






منظر الزبالة جنب الحمامات اللى الاستاذ كرت الواد على قفاة علشان يلمها ومنعه من اللعب امال مش ورث وتكية

وحياتك لاتدفع تمن عملتك

حمام مغلق

حمام مغلق

وشخوا على نفسكم علشان الحمام لازم يبقى نظيف امام الزوار

منظر الزبالة شمال غرفة المدير والاداريين والمعامل

أنتة فين ياوزير التعليم

أنتة فين ياوكيل مديرية التربية والتعليم بالمنوفية

أنتى فين يأاستاذة ياوكيلة المديرية لما الطلاب اشتكوا ليكى وانتى بزيارة للمدرسة

أنتة فين يامدير ادارة بركة السبع وأنتة شكلك حلو ومعاك المتابعين فى العربية البيجو الدهبى التى تؤجرونها

ملاكى غربي

حد يقول ان مدرس رسم علشان الاقدمية يبقى وكيل وكمان مدير للمدرسة الان

طيب ماهو معروف ان ادرارة بركة السبع اكبرادارة فيها حملة الدبلومات الفنية وكلاء مدارس ومدراء مدارس وكلة

بالاقدمية

نكمل لكم مسلسل الطرقعة والكرت على القفا والوجة بسلخانة مدرسة بركة السبع الاعدادية بنين

البث المباشر ينقل لكم ان مدرس الرياضيات بالمدرسة طرقع للولد على وجهة اليوم ثلاث اقلام

وهذا خارج الحصة

ويوم السبت مدرس التربية الرياضية

كرت الواد على قفاة وعاوزة يلم الزبالة وطلعه من اللعب

هى كانت المدرسة الورث بتاعتك

ولا هى دى الارض بتاعتك اللى مزهقك وجاى تطلع قرفك على العيال

ولا الواد عامل عندك بيلم دود

روح يابعيد زى ماكرت الواد على قفاة تنسرق بهايمك بقدرة قادرة زى جيرانك

الطالب يلم زبالة

امال العمال فين

هو انته أجرت المدرسة لحسابك

مش كفاية وكمان تمنعه من اللعب

والاستاذ اللى طرقع للواد النهاردة تلات اقلام

بكرة ياحبيبى أهل الولد جايين المدرسة يطرقعوا لك ولا علشان ابوة مش موجود اعمامه هما اللى هيطرقعولك وابقى خلى وزير التعليم ينفعك

الوزير وكل القيادات بلوظة

وكيل المدرسة رايح له طالب يشتكى من الضرب من مدرسة العلوم

هو عارف نفسة اوى

روح ياله روح مايعرفش ان الطلاب بيطلعوا برة ويتكلموا ويقولوا كل حاجة

السيد معالى الوزير

اطلب منك نقل كل العاملين بالمدرسة طلقة واحده علشان ماحدش بيتكلم

كل واحد يشوف حاجه ولايقول الحق مع السلامة كما اطالب بنقل وكيلة المديرية لان الطلاب قالوا لها ان الاستاذ اللى قاعد جنبك هو اللى بيطرقع لينا وبيقول ياولاد…. ويضرب بالحزام

ولا انته يامعالى الوزير بتاع اعلانات وبيانات وبس تعالى بقى نحاسبك

عملت ايه هنا


خديجة ماتت

وهنا

نقل مدرسين فى بنى سويف بسبب الدروس الخصوصية

وهنا

مدارس بركة السبع

وعملت ايه هنا

أدارة بركة السبع التعليمية وهدم العملية التعليمية بالكامل

لاعملت ولا هتعمل لان انته وجميع مجلس الوزراء لايهمكم الشعب بشىء قاعد بس ولا تعمل حاجه

ولا واحد من المسئؤلين

الوزير بس شاطر كل شويه هنشيل وهنعمل وادى وش الضيف فاكر ان الناس هتنسى

لا ياحبيبى خلاص الناس هتاخد حقها بايدها

لو انته وجميع المسئؤلين اللى وراك وواللى قدامك

كنت تفصل اى مدرس يضرب العيال

كنت تطالب بمجلس الشعب

بمصادرة اموال اى مدرس يعطى دروس خصوصية

لانه سرق جهد الناس والشعب والنتيجة

انه اجهد عيالنا بالدورس ويروح المدارس وهما مجهدين

يبقى هذا المدرس خاين فورا مصادرة كل شىء حتى ولم يكن يعمل بالتربية والتعليم

لان مثل هذا يهدم المجتمع صحيا واقتصاديا

حرام عليك اعمل حاجة صح ولاانته منتظر الرئيس يأمرك كالعادة

ولا هتعملوا حاجه

دا اللى عاوز يتصرف صح

امسكوا اتنين مدرسين بس وشوفوا حال التعليم

ومن فضلك مش عاوزين قيادات مريضة مترهلة

تستهلك مال الدولة والشعب بخطط مالهاش لازمة

خطط تصب فى جيوبها فقط

One thought on “أهانة كرامة وكبرياء التلاميذ بمدرسة بركة السبع الاعدادية بنين

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s